Cynhelir y digwyddiad tri diwrnod yng Nghaerdydd, prifddinas Cymru ac un o ddinasoedd bywiocaf Ewrop. Mae'r ddinas yn enghraifft o'r newidiadau ysgubol yn y dirwedd gymdeithasol ac economaidd dros yr ugain mlynedd ddiwethaf, yn ymateb i'r her a thrawsnewid ei hun yn gymdeithas ôl-ddiwydiannol lwyddiannus. Mae yma bellach bensaernïaeth newydd ddramatig, glan y dwr a ailddatblygwyd yn llwyr, ac mae'n ymhyfrydu yn ei statws newydd fel cartref Cynulliad Cenedlaethol Cymru.

• Canolfan Mileniwm Cymru iyw cartref a gweithle saith sefydliad diwylliannol cyffrous, gan gynnwys Opera Cenedlaethol Cymru. Mae hyn yn ei gwneud yn ffwrnais o greadigrwydd ac arloesedd

• Y Senedd yw cartref y Cynulliad Cenedlaethol Cymru, canolbwynt democratiaeth a datganoli yng Nghymru. Mae'n agored ac yn groesawgar, mewn safle amlwg ym mae cyffrous Caerdydd

• Mae Neuadd y Ddinas, Caerdydd wedi sefyll yng nghanol Caerdydd am dros ganrif. Tu ôl i bensaernïaeth goeth y Dadeni mae gan yr adeilad y cyfleusterau cynadledda diweddaraf

Llety a Chludiant

Mae gan Gaerdydd lu o westai 3, 4 a 5 seren yn agos at leoliad y gynhadledd a cheir detholiad ar y wefan lle mae ystafelloedd yn cael eu cadw i gynadleddwyr ar gyfraddau ffafriol.

Bydd bysiau gwennol ar gael i fynd â chynadleddwyr rhwng y gwestai a ddewisir a'r lleoliadau amrywiol a ddefnyddir drwy gydol y gynhadledd gan gynnwys y Cinio Gala ar noson y 10fed Ionawr.